Очень хорошая новость, Анатолий! Хророшо то, что они в принципе есть в природе и доступны для просмотра даже в бумажном варианте. Кабы только времени до них добраться где взять. Да и время на их изучение тоже понадобиться. По хорошему в сферу моих интересов с десяток приходов попадает.
Знайшоў апісанне парафіі Іжанскай царквы. Вельмі цікавы пералік усіх вёсак і засценкаў парафіі з удакладненнем у якім павеце і хто гаспадар зямлі. Некалькі заўваг: 1.Цікава, што частка прыходу ў Вілейскім, а часка ў Завілейскім павеце. 2. Шэраг засценкаў з пераліку ніколі не было зафіксавана на картах. 3. Сама справа Іжанскай царквы - проста цуд Божы! Дзякуй яшчэ раз Dianis!
Дзялюся апошняй заходкай. Паводле інвентара маёнтка Ганута 1784 г. існавала вёска (засценак) Іжанка Шчэберакаў Izanka Szczebiraraki! Пакуль гэта самая рання згадка засценака маіх продкаў.
Ці сустракалі дзе Вы назву Іжа Асаноўшчына/ Iża Assanowszczyzna? Яна ёсць у тарыфе падымнага Віленскага Ваяводства 1690г. і трохі пазней. Уладальнікам быў Палянскі, здаецца, каторы з татараў. Перагледзеў усё што мог 1690г 1735г
На жаль, не. Я трохі шукаў звесткі пра Іжу ў пачатку 17 ст., але там яна ідзе як проста вёска Іжа, ці, дакладней Іжскае войтаўства (у Лоскім маёнтку) Буду прыглядацца. Калі нешта ў адказ на ваша пытанне трапіцца - абавязкова напішу.
Я меў на ўвазе - Інвентар уладання Лоск 1620. (AGAD. – Фонд AR. Dz. XXV. – Sygn. 2217.) Там вёскі з жыхарамі па: Іжы, Талуці, Старынках А таксама маю інвентар з калекцыі BUW 1616 году, але там, на жаль, Іжы ды нашага краю няма. Inwentarz dworu, folwarku, miasta i włości Marków z roku 1616 https://crispa.uw.edu.pl/object/files/622674/display/Default
Добры вечар! Неверагодна - для мяне гэта вельмі важныя знаходкі. Ці можаце вы падзяліцца гэтымі інвентарамі? Ці, прынамсі, падказаць іх каардынаты ў архіве
Увесь Інвентар маёнтка Войстам, пана Карэйвы 1665, у склад якога ўваходзіла в. Любкі, няма сэнсу выкладаць, бо вашых там больш няма, але старонку з Любкамі выкладаю: LVIA 525-8-1671
Ёсць яшчэ пазнейшыя інвентары Войстама, але я да іх яшчэ не дабраўся. Пагледзьце з 1669 па 1681 справу фонда 525, воп. 8.
Шчыры дзякуй! Гэта цуд Я шукаў крыху ў іншым кірунку - бо ў 18 ст. яны жылі ўжо за Іжай за в. Засценкі ў Пукелах. А во як цікава апынулася.
Чытаю зараз адзін дакумент за 1596 год па Лутчыцах (Сватках), з апісаннем дзелу паміж стрыечнымі братамі Сваткамі. Там згадваецца, што вёска Старыны (што за Андрэйкамі) належыла да маёнтка Спягла ваяводы Віленскага. Вось сама Спягла А вось дзе Старынкі Ёсць верагоднасць, што нейкая частка Іжскіх вёсак таксама на той момант належыла да той Спяглы. Таму, я бы раіў паглядзець у бок і гэтага маёнтка.
Дачытаў дакумент, пра які пісаў вышэй. Там напрыканцы, калі апісваюцца сенажаці вокол р. Добрая, узгадваецца, што "з ласкі" Сваткоў у раёне мастка праз рэчку Дабрэю там сям былі раскіданы сенажаці якімі карыстаўся "земенин ее милости пани Ратомское именья Узленского пан Ян Коротки". На 20 вазоў сенажацей было. Таму цікава атрымліваецца, Старынкі - да Спяглы, а нешта побач - да Вузлы.
І да Вішнева. І да Вішнева адным краем. На Руніверсе, у актах Віленскай археаграфічнай камісіі, маецца інвентар маёнтка Вішнева канца 16 ст Увогуле, калі пералічваць суседнія да Іжы маёнткі - варта ўзгадаць капітульны Вайнялгоў (цяпер у межах вёскі Папоўцы, той край вёскі які бліжэй да Нарочы)
У тэме з 2016 г. па 2023 г. ўзгадваліся наступныя дакументы: "604.1.269 Материалы /фундушевая запись, акты визитации, описания, ведомости о народонаселении и др./ по Ижанской греко-униатской церкви Ошмянского благочиния Завилейского уезда. 1754-1837" "Ф.823. Воп. 2. Раздзел: Метрычныя кнігі Брэсцкай і Луцкай уніяцкай епархій. № 46. Метрычныя кнігі Завілейскага павета. Усяго ў томе 761 арк. F. Метрыка Іжскай царквы займае старонкі 295–353." "Інвентар 1665 LVIA 525-8-1671" "інвентар 1687 LVIA 525-8-1671" "пазнейшыя інвентары Войстама. 1669 па 1681 справа фонда 525, воп. 8" Ці былі, хоць з некаторых з іх, зроблены копіі за гэты час? Калі так, ці можна было б іх выкласці ў раздзеле "Бібліятэка"?
Добры дзень! Ці ёсць ў пералічаных вамі Інвентарах за 1665 і 1687 гг. вёска Слабада (Слабодка) - цікавіць прозвішча Сяргеевіч. І ці сустракаецца прозвішча Дарашкевіч у ваколіцах Войстама-Вуглян, ці ўвогуле ў Інвентары гэтага маёнтка?
Вітаю. Такой вёскі ў інвентары не ма, прозвішча таксама. Прозвішча Дарашкевіч таксама не сустракалася. Ні ў інвентары Войстама, ні ў інвентары Рацавіч за 1796г. (Рацавічы якраз паміж Войстамам і Вуглянамі) Сустракаюцца прозвішчы (Бурко, Дубонька, Каркотка, Сцебурака, Аўгустыновіч, Андруковіч, Шміглей, Кавяка, Кабак, Шакура, Владыка, Жук, Дзевяцень, Ушывец)
